E neste contexto é no que a Oficina de Promoción Económica recollendo a necesidade detectada tras moitos anos de xestión e impartición de actividades de formación para o emprendemento lanza este programa piloto do proxecto Colabora un programa pioneiro, de carácter gratuíto que busca promover a participación activa da persoa desempregada e a creación de oportunidades laborais a partir da colaboración entre as persoas participantes

A iniciativa que se basea no método "coaching" comprende o seguemento individual das persoas participantes, a celebración de sesións grupais e a creación dunha comunidade de persoas que colaboren e se axudan no desenvolvemento de proxectos de autoemprego e na busca de emprego. Ademais incorpora actividades formativas en ferramentas para a busqueda de proxectos laborais e mellorar as competencias de cadaquén.

A participación no programa implica a asistencia ás sesións de grupo e individuais programadas. As sesións grupais terán lugar os venres 13,20 e 27 de novembro e 4,11 e 18 de decembro en horario de 9:30 a 14:30h . As sesións individuais de 2 horas quincenais programaranse de acordo cos intereses e necesidades das persoas participantes. A non asistencia a estas sesións poderá dar lugar á perda da praza asignada no proxecto piloto Colabora do Compostela Móvese