As compras de Nadal en España cada vez son menos do Nadal. E cada vez fanse máis a través de internet. Iso é o que se desprende do "Estudio de Consumo Navideño" que cada ano presenta a consultora Deloitte, titulado este ano, precisamente, "Navidades en un click". Segundo o devandito estudo, os españois adiantan xa o 31% das compras do Nadal ao mes de novembro, debido fundamentalmente á campaña do "Black Friday", onde se gastará un terzo do orzamento, que este ano ascende a 633 euros por fogar. Deles, case unha cuarta parte irase pola pantalla do computador, a tableta ou o móbil.