Os InfoDays son excelentes oportunidades para que as empresas ubicadas en algún punto da cadea de valor relacionada con tema tratado, poidan descubrir posibilidades de innovación ou de colaboración con outras empresas e institucións.

Actualmente máis de dous terzos das empresas do sector da auga consideran que a transformación dixital é un dos principais retos a afrontar, pola súa contribución á redución de custos e o seu impacto en termos de eficiencia enerxética. Neste evento, expertos europeos compartirán cos asistentes a súa experiencia e coñecemento sobre o presente e futuro da xestión intelixente da auga, e analizarán conxuntamente as súas implicacións sociais e económicas.