A primeira, cunha dotación de 10,9 millóns de euros, é a convocatoria de subvencións dirixidas a entidades e empresas de Economía Social para o desenvolvemento de proxectos destinados á creación de empresas e entidades de Economía Social ou á mellora da competitividade e apoio á consolidación empresarial das mesmas. Por tanto, os proxectos que constitúen o obxecto desta convocatoria son:

1. A creación de empresas e entidades de Economía Social.
2. A mellora da competitividade das empresas e entidades de Economía Social e o apoio á súa consolidación empresarial.

En segundo lugar, cunha dotación de 6,2 millóns de euros, está a convocatoria de subvencións dirixidas a entidades e empresas de Economía Social para o desenvolvemento de proxectos destinados á creación e mantemento de empregos de persoas con discapacidade e/ou en situación de exclusión social. Os tipos de proxectos que constitúen o obxecto desta segunda convocatoria son: 

1. Reforzar as asociacións, unións ou agrupacións da Economía Social que faciliten a inserción socio laboral de persoas con discapacidade ou en situación ou en risco de exclusión social. 
2. Mellorar a competitividade e o apoio para a consolidación empresarial das empresas de inserción, cooperativas de iniciativa social ou centros especiais de emprego da Economía Social.
3. Apoiar os proxectos de transición do emprego protexido (centros especiais de emprego ou empresas de inserción) ao emprego ordinario.