Para moitos directivos pensar na negociación soa como algo intimidante, no entanto todos somos negociadores experimentados. Cada vez que acadamos un acordo nalgunha cousa, estamos a negociar. Ás veces facémolo de xeito inconsciente, como decidir quen saúda primeiro, por exemplo, pero tamén implica unha negociación o decidir cun amigo onde imos xantar ou o que imos comprar.

Todas estas situacións teñen en común que involucran a persoas coas que temos que interactuar para levar a bo porto a negociación. En moitas ocasións "o problema básico nunha negociación non é o conflito entre as posicións, senón o conflito entre as necesidades, desexos e medos das partes" (Roger Fisher)

Data e horario: 22 de maio | 17.00-20.00

Programa:

1. Como negocio?
2. Premisas básicas para unha negociación efectiva
3. Que agroma? Os meus puntos fortes e as miñas áreas de mellora negociando 
4. Técnicas de negociación: táctica e estratexia
5. Dinámica de negociación efectiva, para poñer en práctica o aprendido

Relatora:

Susana Mosquera, colaboradora de Bevel Consultores. Licenciada en Psicoloxía, Experta en xestión de persoal, Master en Dirección comercial e marketing, e Master en Xestión e comunicación