Lugar: CIS  Tecnoloxía e  Deseño, Ferrol
Data: 29/06/2021
Hora: 9.30  h – 12.00  h

A cita está aberta a profesionais do deseño de todas as disciplinas (industrial, gráfico, de produto,  organizacional, dixital e multimedia), estudantes desta especialidade e representantes de empresas e outras entidades interesadas en potenciar o deseño como ferramenta de innovación e competitividade nas súas organizacións. A inscrición para a asistencia presencial estará aberta ata completar o aforo permitido con base nas  restriccións sanitarias e o evento poderá seguirse tamén en  streaming.

Nesta edición ponse o foco no papel do deseño e dos procesos creativos na innovación sobre catro áreas estratéxicas: o reto climático, a transformación dixital, a competitividade empresarial e o benestar social. Isto conecta directamente coas prioridades do Programa de Deseño para a Innovación e a Sustentabilidade 2024, que será presentado durante o evento, xunto coas axudas do novo programa  Deseña  Peme e a próxima edición dos Premios Galicia de Innovación e  Deseño.

Os asistentes terán ocasión de coñecer a visión de varios grupos de expertos sobre deseño para a sustentabilidade, a transición cara á economía creativa, a iniciativa New  European  Bauhaus e o posicionamento de Galicia como referencia sostible, transformadora e diferencial. Isto completarase coa presentación de varios proxectos de innovación aberta participados ou liderados por empresas galegas nos que o deseño é o elemento crave para lograr produtos  ecoeficientes e ligados á innovación responsable.