Neste workshop, Noemí Cortizas, experta na nova disciplina do deseño denominada CMF (Cor, Material e Finish – acabado–), mostrará como é posible crear variantes de novos produtos traballando sobre as superficies externas mediante o emprego de procesados, vernices, pigmentos e a combinación acertada de diferentes materiais. Como exemplo de aplicación destas técnicas, FINSA dará a coñecer as súas últimas propostas para dar resposta ás novas tendencias de mercado.

Na segunda parte do workshop, a empresa Materially presentará e comentará unha variada selección de materiais internacionais, escollidos pola adecuación das súas calidades sensoriais aos requisitos que impoñen os actuais modelos produtivos baseados na denominada economía verde

Este evento é de especial interese para deseñadores, persoal técnico e profesionais vinculados co deseño e a comercialización de novos produtos

Xoves, 12 de novembro de 2020. De 10.30 a 13.00 h

Programa:

10.30 - 10.35 h

Presentación da xornada María José Mariño. Directora da Área de Centros da Axencia Galega de Innovación

10.35 - 11.50 h

Do átomo aos sentidos Noemí Cortizas. Ydemaker

11.50 - 12.05 h

Tendencias estéticas na madeira Maria de la Mata. FINSA

12.05 - 12.45 h

Selección de materiais sustentables que comunican e impactan Unai Etxebarria e Iker Agirre. Materially

12.45 - 13.00 h

Preguntas, conclusións e peche da xornada